National Creators Award: રીલ્સ બનાવવાના શોખીનો માટે ખુશખબર, કેન્દ્ર સરકાર દ્વારા નેશનલ ક્રિએટર્સ એવોર્ડ આપવામાં આવશે

National Creators Award: સરકાર દ્વારા કહેવામાં આવ્યું છે કે નેશનલ ક્રિએટર્સ એવોર્ડ 20 વિવિધ કેટેગરીમાં આપવામાં આવશે. નોમિનેશન માટેની છેલ્લી તારીખ 21 ફેબ્રુઆરી 2024 છે.આ પુરસ્કારનો હેતુ દેશભરમાં જ્ઞાનનો ફેલાવો કરી રહેલા સર્જકોને ઓળખવાનો અને તેમનું સન્માન કરવાનો છે

WhatsApp Group Join Now
Telegram Group Join Now
  • કેન્દ્ર સરકાર દ્વારા નેશનલ ક્રિએટર્સ એવોર્ડ આપવામાં આવશે.
  • પુરસ્કારનો હેતુ જ્ઞાનનો ફેલાવો કરી રહેલા સર્જકોને ઓળખવાનો
  • 20 વિવિધ કેટેગરીમાં આપવામાં આવશે એવોર્ડ

રીલ્સ બનાવવાના શોખીનો માટે ખુશખબર,કેન્દ્ર સરકાર દ્વારા નેશનલ ક્રિએટર્સ એવોર્ડ આપવામાં આવશે- National Creators Award

છેલ્લાં કેટલાંક વર્ષોમાં કન્ટેન્ટ સર્જકોની સંખ્યામાં ઝડપથી વધારો થયો છે, આજે દરેક વ્યક્તિ પાસે સ્માર્ટફોન છે અને તેના દ્વારા તેઓ ડિજિટલ વિશ્વમાં પોતાની કલા અથવા જ્ઞાન બતાવી રહ્યાં છે. આપણે આવા લોકોને કન્ટેન્ટ ક્રિએટર કહીએ છીએ, જેઓ વિવિધ વિષયો પર પોતાના વિચારો વ્યક્ત કરે છે અને લોકો સુધી પહોંચાડે છે. ઘણા એવા કન્ટેન્ટ ક્રિએટર્સ છે જેમના સોશિયલ મીડિયા પર લાખો નહીં પરંતુ કરોડો ફોલોઅર્સ છે. જો તમે પણ આ લિસ્ટમાં સામેલ છો અને રીલ કરો છો તો સરકાર તરફથી તમને મોટી તક આપવામાં આવી રહી છે.

સરકાર સન્માન કરશે

કેન્દ્ર સરકાર દ્વારા આવા તમામ કન્ટેન્ટ સર્જકો અને પ્રભાવકોને નેશનલ ક્રિએટર્સ એવોર્ડ આપવામાં આવશે.. આ માટે સરકાર પાસેથી નામાંકન પણ માંગવામાં આવ્યા છે. સરકારે માહિતી આપી છે કે આ પુરસ્કારનો હેતુ દેશભરમાં જ્ઞાનનો ફેલાવો કરી રહેલા સર્જકોને ઓળખવાનો અને તેમનું સન્માન કરવાનો છે. સરકાર દ્વારા કહેવામાં આવ્યું છે કે નેશનલ ક્રિએટર્સ એવોર્ડ 20 વિવિધ કેટેગરીમાં આપવામાં આવશે. નોમિનેશન માટેની છેલ્લી તારીખ 21 ફેબ્રુઆરી 2024 છે.- National Creators Award

આ માટે MyGov.in પર એક પેજ તૈયાર કરવામાં આવ્યું છે, જેમાં પીએમ મોદીનું ક્વોટ પણ મૂકવામાં આવ્યું છે. જેમાં લખવામાં આવ્યુ છે કે , “હું જોઉં છું કે તમારી સામગ્રી આપણા દેશના લોકોને કેટલી પ્રભાવિત કરે છે, આપની પાસે આ અસરને વધુ પ્રભાવી બનાવવાની તક છે.”

આ પણ વાંચો: હવે ઘરે બેઠા અંબાજીનો પ્રસાદ મળશે, ઘરે બેઠા મોહનથાળ-ચિક્કીનો ઓનલાઈન ઓર્ડર કેવી રીતે કરશો.

આ રીતે નોમિનેટ કરો

સૌ પ્રથમ તમારે MyGov વેબસાઇટ https://innovateindia.mygov.in પર જવું પડશે, તે પછી તમને નેશનલ ક્રિએટર્સ એવોર્ડ 2024નો વિકલ્પ દેખાશે. તમે અહીં જઈને તમારું નોમિનેશન કરી શકો છો. તમારે તમારા ફોન નંબર અને OTP વડે લોગિન કરવું પડશે, આ પછી તમારી કેટેગરી પસંદ કરો અને તમારી કેટલીક સોશિયલ મીડિયા લિંક્સ જોડો. હવે જો તમે પણ લોકોમાં જાગૃતિ ફેલાવવાનું અથવા તેમને માહિતી આપવાનું કામ કરો છો, તો તમે આજે જ આ એવોર્ડ માટે પોતાને નોમિનેટ કરી શકો છો.

WhatsApp ગ્રૂપમાં જોડાવો!